MAGI-News!
Ora kualkier estranhero bin kere ku Boneiru no ta ekipá pa ku su seguridat, ta keda grandemente ekiboká. Esaki a keda demonstrá tambe djabièrnè ora ku for di mainta polisnan tabata trahando duru riba e robo sensashonal di e ATM di MCB den Rincon, unda ku e ladronnan a bai ku tur e kontenido. For di e momentu ei tambe por a antisipá ku esaki no tabata un trabou di hende lokal.

Promé ku mèrdia a bin haña un estranhero mara manera yuana den área di e tereno di bala di La Sonrisa i a asumí un bes ku esaki tabata doño di e outo i posiblemente kier a despista e polisnan den nan investigashon, mirando ku e outo tabata di hür riba su number.

Tabata den oranan di atardi, ku kontròl na aeropuerto Flamingo a logra gara dos Venezolano ku basta dòler di plak na nan kurpa. Mesora polis a detené e sospechosonan aki i a konfiská e plaka ku tabata prosedente di e robo di mardugá. Ta trata aki di e hòmbernan A.F.L. i G.S.R. Tin hopi sospecho ku probablemente e di 3 persona ta esun ku a hunga e ròl di a wòrdu mara manera yuana benta den mondi i kua e vehíkulo tabata na su number.

Un felisitashon na e ekipo di polis ku sin duda a traha determinadamente pa solushoná e kaso aki i ku for di mainta a sera fronteranan di e isla chikitu aki, di manera ku niun pushi por a Sali sin mas. No ta konosí e kantidat di plaka ku a haña e sospechosonan kuné i ten a momentu ku nos tabata bai prensa, polis no a duna nada ofisial riba e detenshonnan aki.
(C) 2012 Magic Ed Entertainment!
Kaya Theresa Ilario
PO Box 294
Kralendijk C.N
795-9882
edgar@magicedbonaire.com
KvK 6058
TREMENDO TRABOU
DI POLIS!
Promoshon!
NOTA EDITORIAL:
MAGI-News ta un editorial independiente publika online riba e website aki bou di direkshon di
Edgar J.R. Janga
Bo tin news? Pics? Aktividat pa promove?
785-9802 / edgar@magicedbonaire.com

NOTISIA DI POLIS!

Despues di un ausencia di para di luna i preparashonan bek-stage e agrupashon latino di Boneiru ta bek riba pia den un forma re-organisa i bon prepara pa kumpli ku e demanda di e publiko eksigente di nos isla.
E agrupashon ta bai kumpli dos anja di eksistensia i den su prome fase e tabata 100% live, pero mirando e merkado riba Boneiru no por a kontinua den e forma aki i a disidi pa bini den un forma semi live, pues pasando di 10 musiko pa 5, no ta deskarta forma e grupo kompleto pa sierto eventonan ku ta rekeri banda 100% live.

Djaki tambe nos ta jama un danki na tur musiko i kantante ku for di prinsipio a milita den nos agrupashon.
Aktualmente e sinku integrantenan fiho di e banda ta Giovanni Mercera komo Pianista i Direktor musikal, Juan Rodriguez ku tambora, basedrum /Raspu, Audi Flores (kitara), Juan Rodriguez (ñaco) y Miguel Statie Vokalistanan i Edgar J.R. Janga komo MC/Manager.

Produkshon:
Nos tin mas ku 1 anja trahando riba un produkshon audio/visual ku lo kontene kansionan inédito original di e grupo, nos ta papia di 8 kansion i 3 a 4 video klip. E plan ta pa lansa esaki na luna di augustus benidero.

Ambiente:
Aparte di tin nos mes kansionan e repertorio ta amplio ku hitnan di momento komo temanan inmortal, nos fokus ta bachata pero tambe nos ta toka Merengue, Salsa i pronto Vallenato.
Pronto tambe nos lo tin un integrante femenino ku lo duna un twist diferente na nos front.



Porshento riba tur servisio! Valido entre 4 di Mei pa 20 di July 2012
Klick Aki pa reserva!.
JR LATINO ta bek!